ਕਈ ਦਿਨਾਂ ਤੋਂ ਅਨਾਮ ਮੰਡੀ ਵਿੱਚ ਟਰਾਲੀਆਂ ਲਾਹੁਣ ਤੇ ਬੋਰੀਆਂ ਭਰਨ ਵਾਲੇ ਮਜਦੂਰਾਂ ਵੱਲੋਂ ਆਪਣੀ ਮਜਦੁਰੀ ਵਧਾਉਣ ਨੂੰ ਲੈ ਕੇ ਮੰਡੀਆਂ ਬੰਦ ਕਰਕੇ ਕੰਮ ਬੰਦ ਕਰ ਰੱਖਿਆ ਹੈ ਤੇ ਪੰਜਾਬ ਸਰਕਾਰ ਤੇ ਦਬਾਅ ਬਣਾ ਕੇ ਦੂਜੀਆਂ ਮੰਡੀਆਂ ਦਾ ਕੰਮ ਬੰਦ ਕਰਵਾ ਕੇ ਆਪਣੀਆਂ ਮੰਗਾਂ ਮਨਵਾਉਣ ਲਈ ਸੰਘਰਸ਼ ਨੂੰ ਤੇਜ਼ ਕਰ ਰਹੇ ਹਨ। ਫਰੀਦਕੋਟ ਤੋਂ ਅਨਾਜ ਮੰਡੀ ਮਜਦੂਰ ਯੂਨੀਅਨ ਦੇ ਆਗੂ ਤੇ ਮਜਦੂਰ ਵੱਡੀ ਗਿਣਤੀ ਵਿੱਚ ਸਾਦਿਕ ਆਏ ਤੇ ਮੰਡੀਆਂ ਵਿੱਚ ਚੱਲ ਰਹੇ ਪੱਖੇ ਬੰਦ ਕਰਵਾ ਕੇ ਕੰਮ ਬੰਦ ਕਰਕੇ ਯੂਨੀਅਨ ਦਾ ਸਾਥ ਦੇਣ ਲਈ ਕਿਹਾ।ਹਾਜਰ ਮਜਦੂਰਾਂ ਨੇ ਪੰਜਾਬ ਸਰਕਾਰ ਮੁਰਦਾਬਾਦ ਦੇ ਨਾਅਰੇ ਲਗਾਏ। ਮੰਡੀ ਵਿੱਚ ਮਜਦੂਰਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਜ਼ਿਲਾ ਪ੍ਰਧਾਨ ਫਰੀਦਕੋਟ ਛਿੰਦਾ, ਸਿ਼ਵ ਤੇ ਟਿੰਕੂ ਨੇ ਕਿਹਾ ਕਿ ਜਦੋਂ ਭਗਵੰਤ ਮਾਨ ਦੀ ਸਰਕਾਰ ਬਣੀ ਸੀ ਤਾਂ ਉਹ ਮੰਡੀ ਮਜਦੂਰਾਂ ਦੀਆਂ ਮਜਦੂਰੀ ਵਿੱਚ 25 ਪ੍ਰਤੀਸ਼ਤ ਵਾਧਾ ਕਰਨ ਦਾ ਵਾਅਦਾ ਕੀਤਾ ਸੀ ਜੋ ਅੱਜ ਤੱਕ ਵੀ ਵਫਾ ਨਹੀਂ ਹੋਇਆ।ਜਿਸ ਕਾਰਨ ਆਪਣੀ ਮਜਦੂਰੀ ਵਧਾਉਣ ਲਈ ਮੰਡੀਆਂ ਬੰਦ ਕਰਨੀਆਂ ਪਈਆਂ।ਉਨਾਂ ਕਿਹਾ ਕਿ ਜਦ ਤੱਕ ਇੱਕ ਭਰਤੀ ਇੱਕ ਰੇਟ ਨਹੀਂ ਕੀਤਾ ਜਾਂਦਾ ਤੇ ਮਜਦੂਰੀ ਵਿੱਚ 25 ਪ੍ਰਤੀਸ਼ਤ ਦਾ ਵਾਧਾ ਨਹੀਂ ਕੀਤਾ ਜਾਂਦਾ ਮੰਡੀਆਂ ਅਣਮਿਥੇ ਸਮੇਂ ਲਈ ਬੰਦ ਰਹਿਣਗੀਆਂ।ਇਸ ਮੌਕੇ ਕੁਲਦੀਪ ਸਿੰਘ, ਸੇਵਕ ਸਿੰਘ, ਮਨੀ ਸਿੰਘ, ਗੇਜੀ, ਸੁਖਦੇਵ ਸਿੰਘ ਸੁੱਖਾ, ਅਜੈ ਤੇ ਹੰਸ ਰਾਮ ਵੀ ਹਾਜਰ ਸਨ।